انا عايز اعرف دخل شركات البترول اكتر ولا دخل موظف فى القنصليات
انا خريج حقوق
ارجو الافادة لاهمية الموضوع
__________________
تم تعديل العنوان بما يلائم المحتوى
كما نرجو الدقة فى كتابة لفظ الجلالة لعدم جواز الخطأ فيه
الإدارة
عرض للطباعة
انا عايز اعرف دخل شركات البترول اكتر ولا دخل موظف فى القنصليات
انا خريج حقوق
ارجو الافادة لاهمية الموضوع
__________________
تم تعديل العنوان بما يلائم المحتوى
كما نرجو الدقة فى كتابة لفظ الجلالة لعدم جواز الخطأ فيه
الإدارة
20 مشاهدة ولا واحد منهم رد على العموم برضة شكرا
طيب قولنا انت بتسأل ليه علشان نعرف نفيدك
انا كمان كنت عاوز اسال لانى كمان لسا متحرج من حقوق
شوف هو الي حد علمي بدايه 2500
بس المشكله انها لاقارب الموظفين بس يعني تشوف حد قريبك شغال في قطاع البترول من زمان يشغلك عادي
او تشوف حد تدفعله فلوس علشان يشغلك فيها و الطريق التاني ده نفسي اعرف حد فيه
البترول و ما ادراك ما البترول
الذهب الاسود
البرميل معدى 120 دولار
و لتر البنزين بـ 1.85 قرش
شوف انت بقى المرتب يبقى كام
دا بيقولوا ان الناس بتوعهم بيقبضوا مرتباتهم فى براميل مش زكايب
----------------------
اما القنصليات
فياسلام
شغل زى الفل مع الاجانب و ما ادراك ما الاجانب
ناس كده تحس انها بتلمع من النضافة"حتى لو فى قنصلية كينشاسا برضه الاسود بتاعهم بيلمع مع الشمس"
و كمان قبض بالعملة الصعبة
عارف يعنى ايه عملة صعبة و ليه سموها صعبة
علشان بيطلع عينك عقبال ما تجيبها
\انما فى القنصليات
يا سلام
دا انت شغال فى مصنع العملة نفسه
يعنى اكبش و هلبش و الكل مغلوش
-------------------------
بصراحة
اتكل على الله و اشتغل فى وزارة التموين
المرتب فى شركة ميدور فى الاسكندرية ودى من اكبر الشركات المرتب 600جنية دى معلومة اكيدة
المرتب فى بداية التعين 600 جنية لى قريبى متعين السنة الى فاتت 2500دول مهندسين البترولاقتباس:
المشاركة الأصلية كتبت بواسطة walidadel
شكرا
----------------------
[طيب قولنا انت بتسأل ليه علشان نعرف نفيدك
انا بسال لانى عايز اشتغل
بص يا باشا القنصليات غالبا ما بتدي مرتب في متوسط اعلى المرتبات اللي ممكن تحصل عليها برة يعني انت مثلا هتقدم لوظيفة ادارية معينة بليسانس الحقوق هما بيشوفوا اكبر الأماكن اللي في مصر بتدي مرتب كام لنفس المؤهل و نفس Job description ويدوا في الحدود ديه.
انا بتكام عن القنصليات و السفارات الكبيرة (امريكا انجلترا فرنسا كندا..........).
عشان كده مفيش قاعدة عامة لكن الفروق المادية مش هتبقى كبيرة. الفرق ممكن في نوعية التعاقد و استمراريته..
شكر يادكتور امجد انا بدور على القنصليات لانى شغلى لازم يكون فى اسكندرية وشكرا لردك
اية ياجماعة 144مشاهدة و10 ردود انتم خايفين تردوا احسن اطلب منكم واسطة ولا اية؟؟؟؟
انا كنت بجمع اراء علشان يبقى عندى خلفية انا مش محتاج واسطة من حد محدش يخاف هاهاهاها
انا كمان زيك لسا مخلص حقوق وبدور على اى عقد فى شركة بترول وتكون فى اسكندرية لانى من اسكندرية
ياريت بلاش إستعجالاقتباس:
المشاركة الأصلية كتبت بواسطة elassar2010
اللى بيشوف سؤالك ويعرف إجابة بيرد غير كده مش مطلوب
لو انت قدرت توصل لاى معلومة مهمة او مفيدة ياريت تبلغنىاقتباس:
المشاركة الأصلية كتبت بواسطة pampino
اية ياجماعة مافي اى معلومات جديدة
انت بتسأل عن قطاع البترول
و لم تحدد اذا كان المقصود شركات اللى تبع الهيئة ( غاز او زيت ) و لا الشركات الخاصة ( الاجنبي منها و المصري ) !!
حدد علشان نفيدك اكتر
وبعدين الموضوع مايتقاسش كده
في حاجة اسمها career
يعني لازم تعرف انت السنة الجاية حتبقى ايه و بتاخد كام
مانت ممكن تبدأ بمرتب كبير و يفضل ثابت و ممكن تبدأ بمرتب صغير و يتضاعف كل سنة
banboty
عضو جديد تاريخ الانضمام: 19Jun2007
محل السكن: مصر
--------------------------------------------------------------------------------
انت بتسأل عن قطاع البترول
و لم تحدد اذا كان المقصود شركات اللى تبع الهيئة ( غاز او زيت ) و لا الشركات الخاصة ( الاجنبي منها و المصري ) !!
حدد علشان نفيدك اكتر
لا مثلا شركات مصرية مثل اسكندرية للبترول
طبعا هتتعين كمبتدئ و بدون خبرة يعنى بدون كاريير فاعتقد ان الاساسي ( 250 جنيه ) و وبالبدلات و الحوافز يوصل من 1000 الى 1200 جنيهاقتباس:
المشاركة الأصلية كتبت بواسطة pampino
و طبعا ده هيبقى عقد سنوى لغاية اما تتثبت و اما تتثبت و خاصة لو كنت هتتعين في نفس تخصصك ( شئون قانونية مثلا ) المرتب ممكن يوصل الى 2000 جنيه و يزيد مع الخبرة , غير الارباح السنوية اللى ساعات بتبقى 12 شهر من الاساسي .
خد بالك ان دي حسبة تقريبية تزيد شوية او تقل شوية !!
الف شكر بجد يافندم على سعة صدرك وعلى معلوماتك اللى بجد افادتنى كتير شكرا استاذ بنبوطى
ربنا يحفظك و بالنجاح و التوفيق
ممنوع كتابة العربي بأحرف إنجليزية
مشرف الاجتماعي
بص يا سيدي لو مافيش عندك مشكلة في الواسطة يعني لو قدامك حرية الاختيار يبقي البترول افضل لكن عندك برضه عدة اختيارات فيه الشركات الاجنبية و الشركات المشتركة و الشركات القطاع العام و الشركات الاستثمارية
افضلهم علي الاطلاق شركة شل و بريتش بتروليم من ناحية السالري اقصد المرتب لا مؤاخذة لكن عنصر الامان مش زي القطاع المشترك اللي هو بيجمع ما بين الشركات العالمية و هيئة البترول و مرتب اقل لكن ممتاز
طبعا ما انصحكش بالقطاع العام لانها مملة في كل حاجة و ما فيهاش فرص للترقي كويس لانها بتتعمد علي الاقدمية و ليست الكفاءة كما الحال في الاجنبية و المشتركة
قطاع مشرك زي رشيد للبترول و بدر الدين للبترول و جابكو و سوكو بالرغم من ان انتاجها في انخفاض و ايضا بتروبل و عجيبة و خالدة
قطاع عام زي اسكندرية للبترول و العامرية للبترول و القاهرة لتكرير البترول
و ربنا يوفقك
محمد فهمي
نصيحة اخ كبير ابعدوا عن الوهم الى اسمه بترول
جميع الشركات الى هى قطاع مشترك (owner( (يعنى حكومة ممثله فى هيئة البترول و الشريك الاجنبي) بتتعامل فيها زيك زي اي موظف فى الحكومه على نفس الدرجه
يزيد شوية حاجات بسيطه زى بدل طبيعة عمل و بدل مخاطر و over time (للناس الى فى ورادى المواقع فقط) و اساسى كل نصف شهر و منحة عيد البترول و فائض الانتاج (بنسبة من اساسى المرتب) و كل ده و فى أخر الشهر و بعد شغل 10 سنين و المرتب يادوب يوصل 2000 جنيه لان فيه بنود خصم كثير زى نقابة البترول و التامينات و الرعايه الصحيه و حاجات كتير مرضدش اوجع دماغى بيها علشان مفيش فايده
موضوع البترول يمكن كان كويس من 7 سنين قبل ما الحاجه تغلى بالبشاعه دى
الان البترول (السيط ولا الغنى)و ممكن برضه (الغنا)
ده غير انك طول فترة عملك بتفضل مقهور من مرئوسيك حتى لو دخل الشركه قبلك بيوم
حاجه كده زى الجيش
فى نوع تانى من الشركات الاجنبيه الدوليه و لها فروع فى مصر (service(
و دى مرتباتها حاجه تانيه خالص بس طبعا محتاجه واسطه و مش اي واسطه
الف شكر على كل المعلومات دى بجد اللى قدرت توضح ليا امور كتير
أنا أعمل فى شركة بترول مصرية فرع سوريا
و أعتقد ان القنصليات أحسن من حيث المرتب
لو عرفت تشتغل Sales ف البترول يبقى تمام
عربية وفلوس واى حاجة بتعملها بتاخد تمنها
بالنسبه اقطاع البترول انتم فاهمين الموضوع غلط للاسف قطاع البترول اصبح قطاع سد البطاله بمعني الشركه اللي يشغلها 100 موظف يعين فيها الف مع تقليل المرتبات وبالتالي مش كل شركات البترول فلوسها كويسه ومش كل شركات البترول فيها تثبيت حتي المرتبات بعد التثبيت مش فارقه كتير عن العقود انا بقالي 5 سنين في شركه من شركات البترول ولسه بعقد والرتب بالبدلات يوم مابيتمعظم بيقفل 700 جنيه بالعافيه والمشكله هنا مش ان المرتب حلو ولاوحش المشكله ان الواحد بياخد قر من اي حد يعرف اني شغال في شركة بترول لدرجة ان الواحد زهق من كلمة انتوا بتقبضوا بالولار
صديقى اخوك ليسانس حقوق دفعة 99 جيد
اعمل سائق الان وانت تفاضل بين البترول و الهيئات
اى وظيفة من الاثنين باى دخل تضمن لك مستقبل فيما بعد
مفيش شغل محترم فى مصر من غير وسطة ابوك عمك مينفعش
ياريت حد يوضخ بالتفصيل
لقد خالفتم القاعدة رقم 13 (شخصنة و سخرية و تهكم) مما يستوجب ايقافكم لمدة أسبوع
مشرف االاجتماعي
واضح ان الموضة الجديدة في كل الخريجين انهم بيدوروا على الفلوس و بس
يا سيدي الفاضل لاقي شغل الاول و ربنا يكرمك بعدين
[QUOTE=elsheekhzakrya;3872176386]لقد خالفتم القاعدة رقم 13 (شخصنة و سخرية و تهكم) مما يستوجب ايقافكم لمدة أسبوع
مشرف االاجتماعي[/QUOTE
يااستاذنا والله لا هى شخصنه ولا سخريه ولا تهكم انما هو رصد لحال البلد والواقع وقصدت افوق اخونا فى المنتدى من الوهم اللى هو عايش فيه وقصدت فعلا اقول له اى وظيفه تيجى لك الاول خدها وبعدين فاضل بعد كده لكن يبدو ان كلامى جه جارح حبتين لكن فى النهايه ارجو ان تلتمسو لى المعذره لان فعلا مشاركه الاخ مستفزه جدا ولابد ان يراعى مشاعر الاخرين فى المنتدى اللى هيصدقوه وبعدين الدنيا تضلم فى وشههم واظن ان زميل له قال له انا خريج حقوق سنه 1990 بتقدير جيد وباشتغل سواق يعنى انا ما جبتش حاجه من عندى واخيرا ادعو للاخ بالتوفيق لما فيه الخير وشكرا :dontudear:
العضو الفاضل
لقد خالفتم القاعدة رقم 8
يمنع منعاً باتاً تعليق أي من الأعضاء على التنبيهات الواردة باللون الأحمر من المشرفين أو على القرارات الادارية بينما يسمح بإرسال أي شكوى إلى ساحة الشكاوى أو رفع أي مشكلة أمام لجنة فض المنازعات لجميع الأعضاء المتضررين دون تفرقة .
برجاء مراعاة القواعد
مشرف الاجتماعي
مش عارف ليه انا مصدوم من السؤال بترول وقنصليات عموما اخوك ليسانس حقوق 2007 وشغال مشرف مبانى فى شركه مقاولات مرتب بالبدلات 700 جنيه
[QUOTE=agme;3872211489]مش عارف ليه انا مصدوم من السؤال بترول وقنصليات عموما اخوك ليسانس حقوق 2007 وشغال مشرف مبانى فى شركه مقاولات مرتب بالبدلات 700 جنيه[/QU
السيد مشرف الاجتماعيات اظن هذه المشاركه الاخيره تثبت لك صحه وجهه نظرى وانك كنت متعسفا عندما الغيت عضويتى اسبوعا بل وكنت متعسفا ايضا عندما محوت مشاركتى القاسيه تعليقا على مشارؤكه بترول ولا قنصليات وها هى المشاركات من الزملاء بالمنتدى تثبت لك كم كانت هذه المشاركه مستفزه انا الان الجأ للجنه فض المنازعات واطلب منها محو هذه المشاركه فورا منعا لاستفزاز باقى الاعضاء وعلى فكره انا راجل مش صغير وبابحث عن وظسفه والمشاركه استفزتنى لا انا فقط مشفق على شباب المنتدى من هذه المشاركه شكرا برجاء الرد وعدم اهمال الشكوى ضد مشرف المنتدى
العضو الفاضل
لقد تعددت مخالفتكم للقاعدة رقم 8
"يمنع منعاً باتاً تعليق أي من الأعضاء على التنبيهات الواردة باللون الأحمر من المشرفين أو على القرارات الادارية بينما يسمح بإرسال أي شكوى إلى ساحة الشكاوى أو رفع أي مشكلة أمام لجنة فض المنازعات لجميع الأعضاء المتضررين دون تفرقة "
مما يستوجب ايقافكم لمدة أسبوع .... سيتم الاكتفاء بتحذيركم لحين بت لجنة فض المنازعات في أمركم
برجاء التقدم بشكوى للجنة فض المنازعات عن طريق كتابة موضوع في ساحة الشكاوى
في المجالين محتاج واسطة
بنت عمتي جابت واسطة محترمة واشتغلت في شركة بترول وفي الاخر مرتبها 1000 جنيه فقط لاغير
وقريبي كان في مركز مرموق في شركة بترول كبيرة الشركة صفت الناس الكبار واستبدلتهم بالاقل منهم توفيرا للمرتبات الضخمة
يعني باختصار في البترول اللي بيكبر بيستغنوا عنه
طب وانت ليه مفكرتش في سلك القضاء؟
الله يسهلك